ໂປຣແກຣມສຳລັບຜູ້ຄຸ້ມຄອງລະບົບເຄືອຂ່າຍ Nmap ເປິດໂຕລຸ້ນໃໝ່ 7.50 ພ້ອມການປັບປຸງຈາກລຸ້ນເກົ່າກວ່າຮ້ອຍຈຸດ


ເຜີຍແຜ່: 16/06/2017 11:00:10, ໂດຍ:

ສຳລັບຜູ້ຄຸ້ມຄອງລະບົບ  ໂດຍສະເພາະບັນດາທ່ານທີ່  ຮັບຜິດຊອບໃນການຄຸ້ມຄອງເຄືອຂ່າຍພາຍໃນອົງກອນ  ຄົງຈະຄຸ້ນເຄີຍກັນດີກັບໂປຣແກຣມ  Nmap  ເຊິ່ງເປັນໂປຣແກຣມຍອດນິຍົມ  ສຳລັບການກວດກາ  ແລະ  ວິເຄາະກ່ຽວກັບລະບົບເຄືອຂ່າຍ  ເປັນເຄື່ອງມືທີ່ຊ່ວຍໃນການແກ້ໄຂບັນຫາຕ່າງໆໄດ້ຢ່າງດີ.  ໃນວັນທີ  15  /  06  /  2017  ທີ່ຜ່ານມານີ້  ທາງຜູ້ພັດທະນາໂປຣແກຣມ  Nmap  ໄດ້ເປີດຕົວໂປຣແກຣມລຸ້ນໃໝ່  Nmap  Version  7.50  ແລະ  ອະນຸຍາດໃຫ້ດາວໂຫຼດຟຣີ.


ໃນໂປຣແກຣມລຸ້ນ  7.50  ນີ້ຖືເປັນການປັບປຸງຄັ້ງໃຫຍ່  ໂດຍມີການປັບແກ້ຂໍ້ບົກຜ່ອງ  ແລະ  ເພີ່ມລະບົບໃໝ່ເຂົ້າໄປ  ກ່າວລວມແລ້ວມີການປັບປຸງແກ້ໄຂກວ່າຮ້ອຍຈຸດ  ເປັນຕົ້ນ  ການປັບປຸງຄວາມສະຖຽນ,  ບັນຫາການເຊື່ອມຕໍ່ເຄືອຂ່າຍ,  ເພີ່ມຄວາມສາມາດໃນການກວດກາລະບົບເຄືອຂ່າຍ,  ຮອງຮັບເທັກໂນໂລຢີ  ແລະ  ອຸປະກອນໃໝ່ໆ.

Nmap  ພັດທະນາຂຶ້ນມາຕັ້ງແຕ່ປີ  1992  ມາຮອດປັດຈຸບັນ  ມີຜູ້ໃຊ້ທົ່ວໂລກ  ແລະ  ເປັນໂປຣແກຣມທີ່ສຳຄັນທີ່ສຸດ  ໃນວຽກງານທາງດ້ານ  ICT  ໂດຍສະເພາະວຽກງານການກວດກາ  ແລະ  ແກ້ໄຂບັນຫາລະບົບເຄືອຂ່າຍຕ່າງໆຂອງອົງກອນ.  ສຳລັບທ່ານໃດທີ່ຍັງບໍ່ເຄີຍນໍາໃຊໂປຣແກຣມນີ້ມາກ່ອນ  ແລະ  ຢາກສຶກສາການນໍາໃຊ້  ກໍ່ສາມາດດາວໂຫຼດໄດ້ທີ່ເວັບໄຊຜູ້ພັດທະນາໂປຣແກຣມດັ່ງກ່າວໄດ້ທີ່:  www.nmap.org

ຂໍ້ມູນຈາກ:​  Nmap

ອ່ານ: 0 ຄັ້ງ

ປະຊາສຳພັນ

  
ຂ່າວອື່ນໆທີ່ໜ້າສົນໃຈ
ຂ່າວ ປກສ

ຍິນດີຕ້ອງຮັບສູ່ເວັບໄຊ ກະຊວງປ້ອງກັນຄວາມສະຫງົບ
ເພື່ອການຮັບຊົມເວັບໄຊ ທີ່ທ່ານສາມາດມີສ່ວນຮ່ວມໃນການປະກອບຄຳເຫັນ ແລະ ບໍລິການອື່ນໆ, ກະລຸນາເຂົ້າສຸ່ລະບົບ, ຫຼື ສະໝັກສະມາຊິກ ເພື່ອນຳໃຊ້ເວັບໄຊ.
ປິດໜ້າຕ່າງ
 !