ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
     
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 

ຜົນງານການກໍ່ສ້າງກຳລັງ ປກສ ໃຫ້ມີຄວາມຮູ້-ຄວາມສາມາດ

ຕະຫຼອດໄລຍະຜ່ານມາ, ຄະນະພັກ-ຄະນະບັນຊາກົມໃຫຍ່ການເມືອງ ປກສ ໄດ້ເອົາໃຈໃສ່ໃນການກໍ່ສ້າງ ກຳລັງປ້ອງກັນຄວາມສະຫງົບ ໃຫ້ມີຈຳນວນເພີ່ມຂຶ້ນທັງດ້ານປະລິມານ ແລະ ຄຸນນະພາບກາຍເປັນກຳລັງ ທີ່ມີຄວາມຮູ້-ຄວາມສາມາດທາງດ້ານວຽກງານວິຊາສະເພາະນຳມາໝູນໃຊ ເຂົ້າໃນການປະຕິບັດໜ້າທີ່ ໃຫ້ມີຜົນສຳເລັດ ຂຶ້ນກວ່າເກົ່າ.

ພົຈວ ອາລູ ວາລີຊື ຄະນະພັກກະຊວງຫົວໜ້າກົມໃຫຍ່ການເມືອງ ປກສ ກ່າວໃຫ້ສຳພາດໃນວັນທີ 2 ເມສາ ນີ້ວ່າ: ນັບແຕ່ກຳລັງປ້ອງກັນຄວາມສະຫງົບໄດ້ກຳເນີດເກີດຂຶ້ນມາໃນປີ 1961 ການນຳກະຊວງ ປກສ ເວົ້າລວມ, ເວົ້າສະເພາະຄະນະພັກ-ຄະນະບັນຊາກົມໃຫຍ່ການເມືອງ ປກສ ໄດ້ມີຄວາມເອົາໃຈໃສ່ ໃນການກໍ່ສ້າງພະນັກງານ-ນັກຮົບທົ່ວກຳລັງ ປກສ ໃຫ້ກາຍເປັນກຳລັງທີ່ມີຄວາມຮູ້- ຄວາມສາມາດນັບມື້ ນັບສູງຂຶ້ນໂດຍການຈັດຕັ້ງສົ່ງພະນັກງານ-ນັກຮົບໄປຄົ້ນຄວ້າຮໍ່າຮຽນລະບົບຕ່າງໆ ທັງພາຍໃນຈຳນວນຫຼາຍ ພັນສະຫາຍສະແດງອອກ: ລະບົບຊັ້ນຕົ້ນມີນັກຮຽນ 9.030 ສະຫາຍ, ຍິງ 1.120 ສະຫາຍ; ຊັ້ນກາງ 5.344 ສະຫາຍ, ຍິງ 428 ສະຫາຍ; ປະລິນຍາຕີ 3.048 ສະຫາຍ, ຍິງ 193 ສະຫາຍ; ເຊື່ອມຕໍ່ປະລິນຍາຕີ 614 ສະຫາຍ, ຍິງ 9 ສະຫາຍ; ປະລິນຍາໂທ 182 ສະຫາຍ, ຍິງ 8 ສະຫາຍ; ປະລິນຍາໂທ ທິດສະດີ ການເມືອງ 35 ສະຫາຍ, ຊັ້ນສູງ 300 ກວ່າສະຫາຍ; ສົ່ງພະນັກງານ-ນັກຮົບໄປກໍ່ສ້າງວິຊາ ສະເພາະ ຢູ່ຕ່າງປະເທດໄດ້ທັງໝົດ 1.524 ສະຫາຍ, ໃນນີ້ມີ: ປະລິນຍາຕີ 1.337 ສະຫາຍ, ຍິງ 33 ສະຫາຍ; ປະລິນຍາໂທ 137 ສະຫາຍ, ປະລິນຍາເອກ 50 ສະຫາຍ; ທິດສະດີການເມືອງ 28 ສະຫາຍ, ປະລິນ ຍາໂທ 23 ສະຫາຍ, ປະລິນຍາເອກ 5 ສະຫາຍ. ນອກນັ້ນ, ຍັງເອົາໃຈໃສ່ໃນການປັບປຸງ-ກໍ່ສ້າງສະຖາບັນ ການສຶກສາຂອງກຳລັງປກສ. ປັດຈຸບັນ, ກະຊວງປກສມີສະຖາບັນສິດສອນທັງໝົດ 17 ແຫ່ງຄື: ໂຮງຮຽນ ປກສ ຊັ້ນຕົ້ນ 9 ແຫ່ງ, ໂຮງຮຽນປກສຊັ້ນກາງ 4 ແຫ່ງ ( ກຳລັງດຳເນີນການກໍ່ສ້າງ 1 ແຫ່ງ ), ວິທະຍາ ຄານ 2 ແຫ່ງ, ໂຮງຮຽນທິດສະດີການເມືອງຊັ້ນສູງປກສ 1 ແຫ່ງ, ໂຮງຮຽນສາມັນ ສຶກສາ 1 ແຫ່ງ.

ໃນຕໍ່ໜ້ານີ້, ຄະນະພັກ-ຄະນະບັນຊາກົມໃຫຍ່ການເມືອງ ປກສ ຈະເອົາໃຈໃສ່ໃນການກໍ່ສ້າງກຳລັງ ໃຫ້ມີຄຸນນະພາບສູງຂຶ້ນ ພ້ອມທັງຮັບປະກັນໃຫ້ໄດ້ປະລິມານ ແລະ ຄຸນນະພາບໂດຍສຸມໃສ່ຈັດຕັ້ງປະຕິບັດ ແຜນບຳລຸງ -ກໍ່ສ້າງຍົກລະດັບວິຊາສະເພາະໃຫ້ແກ່ພະນັກງານ-ນັກຮົບທົ່ວກຳລັງ ປກສ ຕາມໂຄງການ ຫຼັກສູດ ການຮຽນ-ການສອນໃນແຕ່ລະໄລຍະທີ່ວາງໄວ້ໃຫ້ມີຜົນສຳເລັດ.

ໃນໂອກາດຊົມເຊີຍວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນ ຄົບຮອບ 54 ປີ ( 5/ 4/1961-5/4/2015 ), ພົຈວ ອາລ ວາລີຊື ໄດ້ຕາງໜ້າໃຫ້ຄະນະພັກ-ຄະນະບັນຊາຕະຫຼອດຮອດພະນັກງານ-ນັກຮົບທົ່ວ ກົມໃຫຍ່ການເມືອງປກສອວຍພອນໃຫ້ການນຳພັກ-ລັດແລະກະຊວງປກສຈົ່ງມີສຸຂະພາບ ແຂງ ແຮງ, ສືບຕໍ່ ຊີ້ນຳ-ນຳພາໃຫ້ທົ່ວກຳລັງ ປກສ ເຕີບໃຫຍ່ຂຶ້ນເລື້ອຍໆ.

 

 

 

 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ