3 ທາດແທ້ 4 ມູນເຊື້ອ ຂອງກຳລັງສື່ສານ ກະຊວງປ້ອງກັນຄວາມສະຫງົບ.
 

ການເຄື່ອນໄຫວວິຊາ ສະເພາະ

ວິຊາການ ເຕັກນິກ ກຳລັງ ປກສ ກົມສື່ສານ ກວດ ກາ ແລະ ຕິດ ຕັ້ງ ກ້ອງວົງຈອນ ປິດ ຢູ່ຕາມ ລຽບ ເສັ້ນພາຍໃນນະຄອນຫຼວງ ວຽງຈັນ.

ພົວພັນຕ່າງປະເທດ

ວຽກງານຝຶກອົບຮົມ

 ຍາມໃດບັນດາ ວິຊາການ ວິຊາ ສະເພາະ ມັນຮຽກຮ້ອງໃຫ້ຕ້ອງມີ ການຄົ້ນຄວ້າ ໃຫ້ຮູ້ເລິກເຖິງຖອງ ໃນ ວຽກງານຂອງຕົນໃຫ້ສົມກັບ ພັກ-ລັດ ໄດ້ມອບໝາຍໃຫ້.

 

» ພະແນກສ້ອມແປງ

ຂໍ້​ຕົກລົງ ວ່າ​ດ້ວຍການຈັດ​ຕັ້ງ ​ແລະ ການ​ເຄູ່​ອນ​ໄຫວ
ຂອງ​ພະ​ແນ​ກຕິດ​ຕັ້ງ-​ສ້ອມ​ແປງ ກົມ​ສື່ສານ ປ້ອງ​ກັນ​ຄວາມ​ສະຫງົບ

ຫົວໜ້າ​ກົມ​ໃຫຍ່​ການ​ເມືອງ​ປ້ອງ​ກັນ​ຄວາມ​ສະ​ຫງົບ​ ອອກ​ຂໍ້​ຕົກລົງ:

ໝວດ​ທີ I ທີ່​ຕັ້ງ ​ແລະ ພາລະ​ບົບບາດ

ມາດຕາ 1. ທີ່​ຕັ້ງ

ພະ​ແນ​ກຕິດ​ຕັ້ງ-​ສ້ອມ​ແປງ (ຂຽນ​ເປັນ​ຕົວ​ອັກສອນ​ຫຍໍ້ ພຕສ ​ເລກ​ລະຫັດ 08) ​ແມ່​ນການ​ຕິດ​ຕັ້ງວິຊາ​ສະ​ເພາະໜຶ່ງ ​ໃນ ​ໂຄງ​ປະກອບ​ການຈັດ​ຕັ້ງ​ຂອງ​ກົມ​ສື່ສານ ມີ​ສະຖຽນ​ເທົ່າ ​ກັບບັນດາ​ຫ້ອງ< ພະ​ແນ​ກອ້ອມ​ຂ້າງ​ທີ່​ຂື້ນ​ກັບ​ກົມ ຊຶ່ງ​ໄດ້​ຮັບ​ການ​ສ້າງ​ຕັ້ງ ຫຼື ລົບ​ລ້າງຕາມ​ພາ ລະ​ບົດບາດ​ຂອງ​ກົມ​ສື່ສານ ປ້ອງ​ກັນ ຄວາມ​ສະຫງົບ.
 

ມາ​ດຕາ 2. ພາລະ​ບົບບາດ

ພະ​ແນ​ກຕິດ​ຕັ້ງສ້ອມ​ແປງ ມີ​ພາລະ​ບົດບາດ​ເປັນ​ເສນາ​ທິການ​ໃຫ້​ແກ່​ກົມສື່ສານ ​ໃນການ​ ຄົ້ນຄວ້າ ວາງ​ແຜນການ ລະ ບຽບ​ການ ກ່ຽວ​ກັບ​ການ​ຄວບ​ຄຸມ ປ້ອງ​ກັນ, ຕິດ​ຕັ້ງສ້ອມແປງ ເຄືອງຈັກ ອຸປະກອນ ການສື່ສານ ຂອງກຳລັງປ້ອງກັນ ​ຄວາມສະຫງົບ ໃນຂອບເຂດທົ່ວເທດ ເພື່ອຮັບເຂົ້າໃນວຽກງານການ ປ້ອງກັນຄວາມສະຫງົບປ້ອງກັນຄວາມສະຫງົບ ໃຫ້ມີປະສິດທິຜົນ

ໝວດ​ທີ II
ໜ້າ​ທີ່ ​ແລະ ຂອບ​ເຂດ​ສິດ

ມາດຕາ 3. ໜ້າ​ທີ່ ພະ​ແນ​ກຕິດ​ຕັ້ສ້ອມແປງ ມີໜ້າທີ່ ດັ່ງນີ້

1. ເຊື່ອມ​ຊຶມ ກຳ​ແໜ້ນ​ແນວທາງ​ນະ​ໂຍບາຍ​ຂອງ​ພັກ ກົກ​ໝາຍ​ຂອງ​ລັດ ບັນດາ​ມະ​ຕິ​ຄຳ​ສັ່ງ ຄຳ ແນ​ະນຳ​ຕ່າງໆ ທີ່​ທາງ​ ກົມ​ວາງ​ອອກ​ໃນ​ແຕ່ລະ​ໄລຍະ ​ເພື່ອ​ຫັນ​ເປັນ​ແຜນການ ​ໂຄງການ​ອັນ​ລະ ອຽດ​ ແລະ ການຈັດ​ຕັ້ງ​ປະຕິບັດ​ໃຫ້​ປະກົດ ຜົນ​ ເປັນ​ຈິງ.

2. ສຶກສາ​ອົບຮົມ​ການ​ເມືອງ ນຳພາ​ແນວ​ຄິດ ​ໃຫ້​ພະນກງານນັກຮົບ ມີຄວາມຄິດອຸດົມຄະຕິ ສັງຄົມນິ ຍົມ​ໜັກ​ແໜ້ນ ມີ​ຄວາມ​ຈົງ​ຮັກ​ພັກດີ ມີ​ສະຕິ​ຕໍ່​ການຈັດ​ຕັ້ງ ມີ​ລະບຽບ​ວິ​ໃນ​ເຂັ້ມ​ງວດ ມີ​ຈັນ​ຍະ ບັນ ຈັນ​ຍະ​ທຳ​ໃນ​ການ​ປະຕິບັດ​ນ້າ​ທີ່ ມີ​ແບບ​ແຜນ​ດຳລົງ​ຊີວິດ​ປອດ​ໃສຂາວ​ສະອາດ ​ແລະ ມີ ຄວາມ​ສາ​ມະ​ຄີ​ເປັນ​ເອກະ​ພາບ​ ພ້ອມ​ກັນ​ເຮັດ​ສຳ​ເລັດ​ໜ້າ​ທີ່​ ການ ​ເມືອງ

3. ຊີ້​ນຳ ນຳພາ ບັນຊາ ຄຸ້ມ​ຄອງ ກວດກາ ປັບປຸງ ​ແລະ ກໍ່ສ້າງ​ພະນັກງານນັກຮົບ ໃນ​ຂອບເຂດຄວາມຮັບຜິດຊອບ ຂອງຕົນໃຫ້ເຂັ້ມແຂງ ໜັກ​ແໜ້ນ​ທາງ​ດ້ານ​ການຈັດ​ຕັ້ງ ການ ​ເມືອ ວິຊາ ສະ​ເພາະ ​ແລະ ​ແບບ​ແຜນ​ວິທີ​ເຮັດ ວຽກ​ຢ່າງ ມີ​ວິທະຍາສາດ​ເທື່ອ​ລະ​ກ້າວ.

4. ຄົ້ນຄວ້າ​ສ້າງ​ແຜ​ນການ ​ໂຄງການ​ວຽກ​ງານ​ຕິດ​ຕັ້ງ ສ້ອມ​ແປງ​ຄື້ນ​ເຄື່ອງວິທະຍຸ ລະບົບ ​ໄຟຟ້າ ​ແລະ ອື່ນໆ​ກ່ຽວ​ກັບ​ການ ​ສື່ສານ ຢູ່​ບັນດາ​ກົມ​ກອງ​ອ້ອມ​ຂ້າງ​ສູນ​ກາງ ​ແລະ ທ້ອງ​ຖິ່ນ

5. ຄຸ້ມ​ຄອງ ຕິດຕາມ ກວດກາ ອຸປະກອນ​ເຄື່ອງຮັບ​ໃຊ້​ພາຍ​ໃນ​ຫ້ອງ​ສ້ອມ​ແປງ​ແຕ່ລະ​ປະເພດ ​ໃຫ້ ຖືກ​ຕາມ​ລະບຽບ​ຫຼັກ ການ ບໍ່​ໃຫ້​ຕົກ​ເຮ່ຍ​ເສຍ​ຫາຍ.

6. ຕິດ​ຕັ້ງ ສ້ອມ​ແປງ​ເຄື່ອງ​ຈັກ ​ແລະ ອຸປະກອນ​ສື່ສານ​ທຸກ​ປະ​ເພດຂອງ​ກຳລັງ​ປ້ອງ​ກັນ​ຄວາມ​ສະຫງົບ ​ໃນ​ຂອບ​ເຂດ​ທົ່ວ​ ປະ​ເທດ.

7. ຝຶກ​ອົບຮົມ ບຳລຸງ ຍົກ​ລະດັບ​ວຽກ​ງານ​ຕິດ​ຕັ້ງ-​ສ້ອມ​ແປງ ​ໃຫ້​ພະນັກງາ​ນນັກຮົບ​ມີ​ຄວາມ ​ຊຳນິຊຳນານ ​ໃນການ​ເຄື່ອນ ​ໄຫວ​ປະຕິ​ບັດ​ໜ້າທີ່​ວຽກ​ງານ​ໃຫ້​ມີ​ປະສິ​ດທິຜົນ.

8. ຄົ້ນຄວ້າ​ສ້າງ​​ແຜນງົບປະມານ ​ແລະ ຈັດ​ຕັ້ງ​ງົບປະມານ ປົກ​ປັກ​ຮັກສາຊັບ​ສິນ ພາຫະນະ ວັດຖຸອຸປະກອນ​ຕ່າງໆ​ທີ່ຢູ່​​ໃນ ​ຄວາມ​ຮັບຜິ​ດຊອບ​ຂອງ​ຕົນ.

9. ພົວພັນ​ປະສານ​ສົມທົບ​ກັບ​ບັນດາ​ຫ້ອງ ພະ​ແນ​ກ ບັນດາ​ກົມ​ກອງ​ອ້ອມ​ຂ້າງ​ກະຊວງ, ກອງ​ບັນຊາ​ການ ປກສ ​ແຂວງ ນະຄອນ ບັນດາ​ກະຊວງ ອົງການ​ຈັດ​ຕັ້ງ​ສູນ​ກາງ ​ແລະ ​ທ້ອງ​ຖິ່ນ.

10. ພົວພັນ ຮ່ວມ​ມື, ​ແລກປ່ຽນ​ບົດຮຽນ​ກັບ​ຕ່າງປະ​ເທດ​ຕາ​ມການ​ຕົກລົງ​ເຫັນ​ດີ​ຂອງ​ກົ​ມ ​ແລະ ລັດຖະມົນ​ຕີວ່າການ ​ກະຊວງ​ປ້ອງ​ກັນ​ຄວາມ​ສະຫງົບ.

11. ສະຫຼຸບ ສັງ​ລວມ ວຽກ​ງານ ວິຊາ​ສະ​ເພາະ​ເປັນ​ແຕ່ລະ​ໄລຍະ ພ້ອມ​ທັງ​ສ່ອງ​ແສງ​ລາຍ​ງານ ​ໃຫ້​ກົມ ເປັນ​ປົກກະຕິ.

12. ປະຕິບັດໜ້າ​ທີ່ອື່ນ ຕາມ​ການ​ມອບ​ໝາ​ບຂອງ​ຂັ້ນ​ເທິງ ​ແລະ ຕາມ​ທີ່​ໄດ້​ກຳນົດ​ໄວ້​ໃນ​ລະບຽບ​ກົດ ໝາຍ.

ມາດຕາ 4. ຂອບ​ເຂດສິດ

ພະ​ແນ​ກຕິດ​ຕັ້ງ-​ສ້ອມ​ແປງ ມີ​ຂອບ​ເຂດສິດ ດັ່ງນີ້:

1. ນຳ​ສະ​ເໜີ ລາຍ​ງານບັນຫາຕ່າງໆ ​ໃນ​ຄວາມ​ຮັບຜິດຊອບ​ຂອງ​ຕົນ ຕໍ່​ຫົວໜ້າ​ກົມ​ສື່ສານ ​ເພື່ອ ຊີ້​ນຳ​ພິຈາລະ​ນາ​ຕົກລົງ.

2. ​ເຂົ້າ​ຮ່ວມ​ກອງ​ປະຊຸມ​ຝຶກ​ອົບຮົມ, ສຳ​ມະ​ນາ ​ເປັນ​ຄະ​ນະ​ກຳມະການ​ຕ່າງໆ ກ່ຽວ​ກັບ​ການ​ຕິດ​ຕັ້ງ-​ສ້ອມ​ແປງ ທີ່​ກົມ​ສື່ ກະຊວງ​ປ້ອງ​ກັນ​ຄວາມ​ສະຫງົບ ຫຼື ອົງການຈັດ​ຕັ້ງ​ອື່ນ​ຈັດ​ຂື້ນ ຕາມ​ການ ມອບ​ໝາຍ.

3. ນຳ​ສະ​ເໜີ​ສ້າງ​ຕັ້ງ ຫຼື ລົບ​ລ້າງ​ບັນ​ດາ​ກົງຈັກ​ການຈັດ​ຕັ້ງ​ໜ່ວຍ​ງ​ານ ​ແຕ່ງ​ຕັ້ງ ຍົກຍ້າຍ ບັນ ຈຸ​ຊັບຊ້ອນ ​ໃຫ້​ແທດ​​ເໝາະ ກັບ​ຄວາມ​ຮູ້​ຄວາມ​ສາມາດ ​ແລະ ຜົນງານ​ຕົວ​ຈິງ​ຂອງ​ພະ​ນັກ​ງານ-​ນັກຮົບ ທີ່​ຂື້ນ​ກັບ​ຄວາມ​ຮັບຜິດຊອບ​ຂອງ​ຕົນ.

4. ນຳ​ສະ​ເໜີ​ປະກອບ ​ແລະ ນຳ​ໃຊ້ອາວຸດ​ຍຸດ​ໂທ​ປະກອນ, ອຸປະກອນ, ພາຫະນະ​ເຕັກນິກ ​ແລະ ນຳ​ໃຊ້​ງົບ​ປະມານ​ເຂົ້າ​ໃນ ​ວຽກ​ງານ​ຂອງ​ຕົນ.

5. ສະ​ເໜີ​ປະຕິບັດ​ນະ​ໂຍບາຍ​ຕ່າງໆ ​ໃຫ້​​ແທດ​ເໝາະ​ກັບ​ຜົນງານ​ຕົວ​ຈິງ ​ແລະ ສຶກສາ​ອົບຮົມ-​ກ່າວ​ເຕືອນ ສະ​ເໜີ​ວິ​​ໄນ ຕໍ່​ພະນັກງານ​-ນັກ​ຮົບພາຍ​ໃນ​ພະ​ແນ​ກຂອງ​ຕົນ​ຕໍ່​ກົມ​ພິຈາລະນາ.

6. ພົວພັນ ປະ ສານ​ສົມທົບ​ກັບ​ບັນດາ​ຫ້ອງ ພະ​ແນ​ກ, ກົມ​ກອງ​ອ້ອມ​ຂ້າງ​ກະຊວງ, ກອງ​ບັນຊາ ການ​ ປກສ ​ແຂວງ, ນະຄອນ ​ແລະ ພາກສ່ວນ​ອື່ນ​ທີ່​ກ່ຽວຂ້ອງ​ຢູ່​ສູນ​ກາງ ​ແລະ ທ້ອງ​ຖິ່ນ​ຕາມ​ການ​ມອບ​ໝາຍ​ຂອງ​ກົມ.

7. ປະຕິບັດ​ສິດ​ອື່ນ ຕາມ​ການ​ມອບ​ໝາຍ​ຂອງ​ຂັ້ນ​ເທິງ ​ແລະ ຕາມ​ທີ່​ໄດ້​ກຳ​ນົກ​ໄວ້​ໃນ​ລະບຽບ ກົດ​ໝາຍ.

ໝວດ​ທີ III
ໂຄງ​ປະກອບ​ການຈັດ​ຕັ້ງ ​ແລະ ບຸກຄະ​ລະ​ກອນ

ມາດຕາ 5. ​ໂຄງ​ປະກອບ​ການຈັດ​ຕັ້ງ

      ພະ​ແນ​ກຕິດ​ຕັ້ງ-​ສ້ອມ​ແປງ ມີ​ໂຄງ​ປະກອບ​ການຈັດ​ຕັ້ງ ດັ່ງ​ນີ້:

1. ໜ່ວຍ​ງານ​ສ້ອມ​ແປງ​ວິທະຍຸ​ຄື້ນຍາວ.
2. ໜ່ວຍ​ງານ​ສ້ອມ​ແປງ​ວິທະຍຸ​ຄື້ນສັ້ນ.
3. ໜ່ວຍ​ງານ​ສ້ອມ​ແປງ​ໄຟຟ້າ-​ຊ່ຽນ​ຈອດ.

ສຳ​ລັບ ພາລະ​ບົດບາດ ນ້າ​ທີ່ ຂອບ​​ເຂດ​ສິດ ການຈັດ​ຕັ້ງ​ຂອງ​ໜ່ວຍ​ງານ​ທີ່​ຂື້ນ​ກັບ​ພະ​ແນ​ກ ຈະ​ໄດ້​ກຳ​ນົກ​ໄວ້​ໃນ​ລະບຽບ ​ການສະ​ເພາະ.

ມາດຕາ 6. ​ໂຄງ​ປະກອບ​ບຸກຄະລາ​ກອນ

ພະ​ແນ​ກຕິດ​ຕັ້ງ​-ສ້ອມ​ແປງ ມີ​ໂຄງ​ປະກອບ​ບຸກຄະລາ​ກອນ​ ດັ່ງ​ນີ້:

1.ຫົວ​ໜ້າພະ​ແນ​ກ 01 ທ່ານ ຮອງ​ຈຳນວນ​ໜຶ່ງ.
2. ແຕ່ລະ​ໜ່ວຍ​ງານ​ມີ​ຫົວໜ້າ 1 ທ່ານ, ຮອງ​ຈຳນວນ​ໜຶ່ງ ​ແລະ ປະກອບ​ພະນັກງານ​ວິຊາ​ການ ຕາມຄວາມ​ຮຽກຮ້ອງ​ຕ້ອງ ການ​ຂອງ​ວຽກ​ງານ​ໃນ​ແຕ່ລະ​ໄລຍະ.

ມາດຕາ 7. ການແຕ່ງຕັ້ງ ຍົກຍ້າຍ ແລະ ປົດຕຳແໜ່ງ

1. ຫົວໜ້າ ແລະ ຮອງພະແນກ ໄດ້ຮັບການແຕ່ງຕັ້ງ ຍົກຍ້າຍ ແລະ ປົດຕຳແໜ່ງໂດຍຫົວໜ້າ ກົມໃຫຍ່ການເມືອງ ປ້ອງກັນຄວາມສະຫງົບ ຕາມການສະເໜີຂອງຫົວໜ້າກົມສື່ສານປ້ອງກັນ ຄວາມສະຫງົບ.

2. ຫົວໜ້າ ແລະ ຮອງໜ່ວຍງານ ໄດ້ຮັບການແຕ່ງຕັ້ງ ຍົກຍ້າຍ ແລະ ປົດຕຳແໜ່ງ ໂດຍຫົວ ໜ້າກົມສື່ສານ ປ້ອງກັນຄວາມສະຫງົບ ຕາມການສະເໜີຂອງຫົວໜ້າພະແນກ ແລະ ຕົກລົງ ເຫັນດີຂອງກົມໃຫຍ່ການເມືອງປ້ອງກັນຄວາມສະຫງົບ.

ມາດຕາ 8. ສິດ, ໜ້າ​ທີ່​ຂອງ​ຫົວ​ໜ້າ ​ແລະ  ຮອງ​ພະ​ແນ​ກຕິດ​ຕັ້ງ-​ສ້ອມ​ແປງ

ຫົວໜ້າ ​​ແລະ ຮອງ​ພະ​ແນ​ດຕິດ​ຕັ້ງ-​ສ້ອມ​ແປງ ມີ​ສິດ ​ແລ​ະ ໜ້າ​ທີ່​ດັ່ງ​ນີ້:

1. ຫົວໜ້າ​ພະ​ແນ​ກ ມີໜ້າ​ທີ່​ຮັບຜິດຊອບ​ໂດຍ​ກົງ ຕໍ່​ຫົວໜ້າ​ສື່ສານ ​ໃນ​ການ​ຊີ້​ນຳ, ນຳພາ, ບັນຊາ, ຄຸ້ມ​ຄອງ ຕິດຕາມ ກວດກາ​ການຈັດ​ຕັ້ງ​ປະຕິບັດ​ບົດ​ບາດ ໜ້າ​ທີ່ ​ແລະ ຂອບ​ເຂດ​ ສິດ​ຂອງຕົນ ມີ​ຄວາມ​ຮັບຜິດຊອບ​ຕໍ່​ຜົນສຳ​ເລັດ ຫຼື ຂໍ້​ຂາດ​ຕົກ​ບົກ​ຜ່ອງ​ຂອງ​ຕົນ​ຕໍ່​ກົມ ​ແລະ ເປັນ​ຜູ້​ລົງລາຍ​ເຊັນ​ໃສ່​ເອກະສານ​ທາງ​ການຕ່າງ​ໆ ​ໃນ​ນາມ​ພະ​ແນ​ກ.

ໃນ​ກໍລະນີ​ໄປ​ປະຕິ​ບັດໜ້າ​ທີ່​ທາງ​ໄກ ຫຼື ບໍ່ສາດ​ມາດ​ປະຕິບັດ​ໜ້າ​ທີ່​ໄດ້ ຕ້ອງ​ມອບ​ສິດ​ເປັນ​ລາຍ ລັກ​ອັກສອນ​ໃຫ້ຮອງ​< ພະ ຜູ້​​ໃດ​ຜູ່​ໜຶ່ງຮັກສາ​ການ​ແທນ​ຊົ່ວຄາວ.

2. ຮອງ​ພະ​ແນ​ກ ​ເປັນ​ຜູ້​ຊ່ວຍ​ວຽກຫົວໜ້າພະ​ແນ​ກ ​ໃນ​ການ​ປະຕິບັດ​ໜ້າ​ທີ່​ວຽກ​ງານ​ຄຸ້ມ​ຄອງ ບັນ ຊາ ຕິດຕາມ ກວດກາ​ບົດບາດ ໜ້າ​ທີ່ ​ແລະ ຂ​ອບ​ເຂດ​ສິດ ທີ່​ໄດ້​ຖຶກມອບ​ໝາຍ ທັງ​ລົງ ​ເລິກ​ວຽກ​ງານ​ໃດ​ໜຶ່ງ ຕາມ​ການ​ແບ່ງປັນ​ຂອງ​ຫົວໜ້າ ​ພະ​ແນ​ກ ​ແລະ ມີ​ຄວາມຮັບຜິດຊອບ​ຕໍ່ ຜົນສຳ​ເລັດ ຫຼື ຂໍ້​ຂາດ​ຕົກ​ບົກ​ຜ່ອງ​ຕໍ່​ຫົວໜ້າ​ພະ​ແນ​ກ ​ແລະ ຫົວໜ້າ​ກົມ.

ໝວດ​ທີ IV

ລະບອບ​ແບບ​ແຜນ​ວິທີ​ເຮັດ​ວຽກ

ມາດຕາ 9. ຫຼັກການ​ເຮັດ​ວຽກ

      ພະ​ແນ​ກຕິດ​ຕັ້ງ-​ສ້ອມ​ແປງ ​ເຮັດ​ວຽກ​ຕາມ​ຫຼັກການ​ ດັ່ງ​ນີ້:

1. ເຮັດ​ຕາມ​ຫຼັກການ​ສູນ​ລວມປະຊາທິປະ​ໄຕ ປຶກສາ​ຫາລື​ເປັນ​ໝູ່​ຄະນະ ມີ​ຄວາມ​ເປັນ​ເອກະ​ພາບ ຮັກສາ​ຄວາມ​ລັບ ​ແລະ ​ແບ່ງ​ງານ​ໃຫ້​ບຸກຄົນ​ຮັບຜິດຊອບ​ຢ່າງ​ຈະ​ແຈ້ງ.
2. ເຮັດ​ວຽກ​ມີ​ແບບ​ແຜນ, ກຳນົດ​ຄາດໝາຍ ມີ​ການຈັດ​ຕັ້ງ​ປະຕິບັດ ມີ​ການ​ປະສານ​ສົມທົບ ຕິດຕາມ ກວດກາ​ເປັນ ​ປົກກະຕິ​ແທດ​ເຖິງ​ຕົວ​ຈິງ ສະຫຼຸບ​ຕີ​ລາຄາ ​ແລະ ຖອດ​ຖອນ​ບົດ​ຮຽນ.
ເຮັດ​ວຽກ​ມີ​ການ​ແບ່ງ​ຂັ້ນ​ຄຸ້ມ​ຄອງ​ ມີາກນ​ແບ່ງ​ງານ​ໃຫ້​ສະຫຍາຍ​ຢ່າງ​ລະອຽດ ການ​ມອບ​ວຽກຕ້ອງ ​ໃຫ້​ຊັດ​ເຈນ​ຈະ ​ແຈ້ງ ​ເພື່ອ​ສ້າງ​ເງື່ອນ​ໄຂ ​ແລະ ອຳ​ນວຍ​ຄວາມ​ສະດວກ​ໃຫ້​ທຸກ​ຄົນ​ສາມາດ​ຈັດ​ຕັ້ງ​ ປະຕິບັດ​ຕົວ​ງຈິງ​ຢ່າງ​ຖຶກຕ້ອງ ​ແລະ ມີຫົວ ຄິດ​ປະ​ດິດສ້າງ ຍົກ​ສູງ​ຄວາມ​ຮັບຜິດຊອບ​ເປັນ​ເຈົ້າ​ຂອງ ຕົນ​ເອງ.
ການ​ຕົກລົງ ຫຼື ການ​ອອກ​ຄຳ​ສັ່ງ​ໃດ​ໜຶ່ງ ຕ້ອງ​ສອດຄ່ອງ​ກັບ​ລະບຽບ​ກົດໝາຍ ​ແລະ ທິດ​ຊີ້​ນຳ​ຂອງ ກົມ.
ປະຕິບັດ​ລະບອບ​ປະຈຳການ ​ແລະ ລະບອບ​ປະຊຸມ​ສ່ອງ​ແສ່ງ​ລາຍ​ງານ​ເປັນ​ປົກກະຕິ.

ມາດຕາ 10. ​ແບບ​ແຜນ​ວິທີ​ເຮັດ​ວຽກ

     ພະ​ແນ​ກຕິດ​ຕັ້ງ-​ສ້ອມ​ແປງ ມີ​ແບບ​ແຜນ​ວິ​ທີ່​ເຮັດວຽກ ດັ່ງ​ນີ້:

1. ມີ​ແບບ​ແຜນ​ວິທີ​ເຮັດ​ວຽ​ກຢ່າງ​ມີ​ວິທະຍາສາດ ມີ​ການ​ຄົ້ນຄວ້າ​ແທດ​ເໝາະ​ກັບ​ຄວາມ​ສາມາດ​ຕົວ​ຈິງ ​ແລະ ທັນ​ສະ​ໄໝ ​ເທື່ອ​ລະ​ກ້າວ.
ມີ​ແຜນການ ​ໂຄງການ ​ແຜນ​ຄົນ ​ແຜນ​ງົບປະມານ ພາຫະນະ ວັດຖຸ​ອຸປະກອນ​ເຕັກ​ນິກ ສະຖານ​ທີ່​ເຮັດວຽກ ການແກ້​ໄຂ​ວຽກ​ງານ​ຢ່າງ​ມີ​ຈຸດ​ສຸມ ​ເປົ້າ​ໝາຍ ​ແລະ ການ​ກຳນົດ​ໄລຍະ​ເວລາ ຢ່າງ​ຈະ​ແຈ້ງ ​ເມື່ອ​ສຳ​ເລັດ​ໜ້າ​ທີ່​ມີ​ການ​ຖອດຖອນ ບົດຮຽນ ພ້ອມ​ທັງ​ຄົ້ນຄວ້າ​ສະ​ເໜີ​ປະຕິບັດ ນະ​ໂຍບາຍ​ຕາມ​ຄວາມ​ເໝາະ​ສົ​ມ.

ໝວດທີ V

ບົດ​ບັນ​ຍັດ​ສຸດ​ທ້າຍ

ມາດຕາ 11. ການຈັດ​ຕັ້ງ​ປະຕິບັດ

ມອບ​ໃຫ້​ພະ​ແນ​ກຕິດ​ຕັ້ງ​-ສ້ອມ​ແປງ ກົມ​ສື່ສານ ປ້ອງ​ກັນ​ຄວາມ​ສະຫງົບ ຈັດ​ຕັ້ງ​ປະຕິບັດ​ຂໍ້​ຕົກລົງ ສະບັບ​ນີ້​ຢ່າງ ​ເຂັ້ມ​ງວດ.

ບັນ​ດາ​ການຈັດ​ຕັ້ງ​ໃນກຳ​ລັງ​ປ້ອງ​ກັນ​ຄວາມ​ສະຫງົບ​ແຕ່ລະ​ຂັ້ນ ​ແລະ ພາກສ່ວນ​ທີ່​ກ່ຽວຂ້ອງ​ຈົ່ງ​ຮັບ ຮູ້​ປະຕິບັດ​ຂໍ້​ຕົກລົງ​ ສະບັບ​ນີ້​ຢ່າງ​ເຂັ້ມ​ງວດ.

ມາດຕາ 12. ຜົນ​ສັກສິດ

ຂໍ້​ຕົກລົງ​ສະບັບ​ນີ້​ມີ​ຜົນ​ສັກສິດ​ນັບ​ແຕ່​ມື້​ລົງ​ລາຍ​ເຊັນ​ເປັນ​ຕົ້ນ​ໄປ ຂໍ້​ກຳນົ​ດ ບົດ​ບັນຍັດ​ໃດ​ໃນ​ເມື່ອ ກ່ອນ​ຫາກ​ຂັດ​ກັບ ​ຂໍ້​ຕົກລົງ​ສະບັບ​ນີ້​ລວ້ນ​ແຕ່​ຖຶກລົບ​ລ້າງ.
 
ກິລາແລະກິດຈະກຳ
 

- ການແຂ່ງຂັນກິລາ ບານເຕະ ລະຫວ່າງ ພະແນກຄຸ້ມຄອງ ລະບົບ ຄອມພິວເຕີ ແລະ ວິທະຍາຄານ ເວີນຄຳ ຄັ້ງວັນທີ່ 25-10-2014

- ອ້າຍນ້ອງພະນັກງານ ກົມສື່ ສານ ອອກແຮງງານ ເພື່ອ ຮັບຕ້ອນ ວັນ ສຳຄັນຂອງຊາດ

 

 

 
ອອກແຮງງານ
 

- ອອກແຮງງານ ວັນເສົາແດງ   ທີ່ຄ້າຍສົມ ສະຫງ່າ ຂອງພະນັກ ງານ ກົມສື່ສານ.

- ແມ່ຍິງ - ຊາວໜຸ່ມ ປກສ ກົມ ສື່ສານ ແຂ່ງຂັນ ຕີໝາກ ບຸ່ນ ຄັ້ງວັນທີ່ 15-11-2014

 

 

 

 

 

 

 

 

ກົມສື່ສານ © ສະຫງວນລິຂະສິດ 2014,
ອອກແບບ/ພັດທະນາ ໂດຍ:​ ພະແນກຄຸ້ມຄອງລະບົບຄອມພິວເຕີ