3 ທາດແທ້ 4 ມູນເຊື້ອ ຂອງກຳລັງສື່ສານ ກະຊວງປ້ອງກັນຄວາມສະຫງົບ.
 

ການເຄື່ອນໄຫວວິຊາ ສະເພາະ

ວິຊາການ ເຕັກນິກ ກຳລັງ ປກສ ກົມສື່ສານ ກວດ ກາ ແລະ ຕິດ ຕັ້ງ ກ້ອງວົງຈອນ ປິດ ຢູ່ຕາມ ລຽບ ເສັ້ນພາຍໃນນະຄອນຫຼວງ ວຽງຈັນ.

ພົວພັນຕ່າງປະເທດ

ວຽກງານຝຶກອົບຮົມ

 ຍາມໃດບັນດາ ວິຊາການ ວິຊາ ສະເພາະ ມັນຮຽກຮ້ອງໃຫ້ຕ້ອງມີ ການຄົ້ນຄວ້າ ໃຫ້ຮູ້ເລິກເຖິງຖອງ ໃນ ວຽກງານຂອງຕົນໃຫ້ສົມກັບ ພັກ-ລັດ ໄດ້ມອບໝາຍໃຫ້.

 

» ພະແນກຮັບ-ສົ່ງຂ່າວສານ

ຂໍ້

ວ່າ​ດ້ວຍການ​ຈັດ​ຕັ້ງ ​ແລະ ​ການເຄື່ອນ​ໄຫວ
ຂ​ອງພະ​ແນ​ກຮັບ​ສົ່ງ-​ຂ່າວສານກົມ​ສື່ສານ ປ້ອງ​ກັນ​ຄວາມ​ສະຫງົບ

ຫົວ​ໜ້າ​ກົມ​ໃຫຍ່ການ​ເມືອງ​ປ້ອງ​ກັນ​ຄວາມ​ສະຫງົບ ອອກ​ຂໍ້​ຕົກລົງ:

 ໜວດທີ I

ທີ່​ຕັ້ງ​ ​ແລະ ພາລະ​ບົດບາດ

ມາດຕາ 1. ທີ່​ຕັ້ງ

      ພະ​ແນ​ກຮັບສົ່ງ-​ຂ່າວສານ ກົມ​ສື່ສານ​ກະຊວງ​ປ້ອງ​ກັນ​ຄວາມ​ສະຫງົບ ( ຂຽນ​ເປັນ​ຕົວ​ອັກສອນ​ຫຍໍ໊ ພຮສ ​ແລະ ​ເລກ ​ລະຫັດ 06 ) ​ແມ່ນ​ການຈັດ​ຕັ້ງ​ວວິຊາ​ສະ​ເພາະ​ໜຶ່ງ ​ໃນ​ໂຄງ​ປະ​ກອບ​ກົ​ງຈັກ​ການຈັດ​ຕັ້ງ ຂອງ​ກົມ​ສື່ສານ, ມີ​ຖານະ​ບົດບາດ​ ທຽບ​ເທົ່າ​ກັບ​ຫ້ອງ, ບັນດາ​ພະ​ແນ​ກອ້ອມຂ້າງ​ທີ່​ຂື້ນ​ກັບ​ກົມ, ​ໄດ້​ຮັບການ​ ສ້າງ​ຕັ້ງ ຫຼື ລົບ​ລ້າງ​ຕາມ​ພາລະ​ບົດບາດ​

ມາດຕາ 2. ພາລະ​ບົດບາດ

      ພະ​ແນ​ກຮັບສົ່ງ-ຂ່າວສານ ມີ​ພາລະ​ບົດບາດ​ເປັນ​ເສນາ​ທິການ​​ໃຫ້​ແກ່​ກົມ​ສື່ສານ ປ້ອງ​ກັນ​ຄວາມ​ສະ ຫງົບ ​ໃນ​ການ​ຄົ້ນ​:

ໝວດ​ທີ II

ໜ້າ​ທີ່ ​ແລະ ຂອບ​ເຂດ​ສິດ

ພະ​ແນ​ກຮັບສົ່ງ-ຂ່າວສານ​ມີໜ້າ​ທີ່​ ດັ່ງ​ນີ້:

1. ເຊື່ອມ​ຊຶມ​ແນວທາງ​ນະ​ໂຍບາຍ​ຂອງ​ພັກ ລະບຽບ​ກົດໝາຍ​ຂອງ​ລັດ ບັນດາ​ມະຕິ​ຄຳ​ສັ່ງ ຄຳ​ແນະນຳ​ຕ່າງໆ ຂອງ​ກົມ​ວາງ​ ອອກ​ໃນ​ແຕ່ລະ​ໄລຍະ​ເພື່ອ​ຫັນ​ເປັນ​ແຜນການ ​ແຜນ​ງງານ​ອັນ​ລະອຽດ ​ແລະ ຈັດ​ຕັ້ງ​ປະຕິ​ບັດ ໃຫ້​ປະກົດ​ຜົນ​ເປັນຈິງ.

2. ສຶກສາ​ອົບ​ຮົມ​ການ​ເມືອງ ນຳພາ​ແນວ​ຄິດ ພະນັກ​ງານ-ນັກຮົບ ມີ​ແນວ​ຄິດ​ຫຼັກ​ໜັ້ນອຸດົມ​ການ​ສັງ ຄົມ​ນິຍົມ​ ໜັກ​ແໜ້ນ ມີ​ຄວາມ​ຈົງ​ຮັກ​ພັກດີ ມີ​ສະຕິ​ຕໍ່​ການຈັດ​ຕັ້ງ ມີ​ລະບຽບ​ວິ​ໃນ​ເຂັ້ມ​ງວດ ​ມີ​ຈັນ ຍາ​ບັນ ມີ​ຈັນ​ຍາ​ທຳ​​ ໃນ​ການ​ປະຕິບັດ​ໜ້າ​ທີ່ ມີ​ແບບ​ແຜນ​ດຳລົງ​ຊີ​ວິດ ປອດ​ໃສ​ຂາວ​ສະອາດ ​ແລະ ມີ​ຄວາມ​ສາ​ມາ​ຄີ​ ເປັດ​ເອກະ ​ພາບ.

3. ຊີ້​ນຳ ນຳພາບັນຊາ ຄຸ້ມ​ຄອງ ກວດກາ ປັບປຸງ​ກຳລັງ​ວິຊາ​ສະ​ເພາະ ​ໃຫ້​ເຂັ້ມ​ແຂງ​ໜັກ​ແໜ້ນ ດ້ານ​ການຈັດ ​ຕັ້ງ, ການເມືອງ ມີ​ຄວາມ​ຊຳນິ​ຊຳນານ​ທາງ​ດ້ານ​ວິຊາ​ສະ​ເພາະ ​ແລະ ​ແບບ​ແຜນ​ວິທີ ​ເຮັດ​ວຽກ​ຢ່າງ​ມີ​ວິທະຍາ ສາດ​ເທື່ອ​ລະ​ກ້າວ.

4. ຄົ້ນຄວ້າ​ຊອກ​ຮູ້​ນຳ​ຮຽນ ດ້ານ​ວິທະຍາສາດ​ທີ່​ກ້າວໜ້າ​ທັນ​ສະ​ໄໝ ກ່ຽວກັບ​ວຽກ​ງານ​ຮັບສົ່ງ-​ຂ່າວສານ ​ເພື່ອ​ ມາ​ປັບປຸງ ພັກ​ທະນາ ​ແລະ ຮັບ​ໃຊ້​ວຽກ​ງານ​ໃນ​ຕໍ່ໜ້າ​​ໃຫ້​ມີ​ຄວາມ​ຖື​ກຕ້ອງ ​ແລະ ຊັດ​ເຈນ.

5. ກຽມພ້ອມ​ກຳລັງ ລະບົບ​ຮັບ​ສົ່ງ-​ຂ່າວສານ ຮັບປະກັນການ​ຕິດ​ຕໍ່ສື່ສານ> ວ່ອງ​ໄວ ຊັດ​ເຈນ ​ແລະ ປິດ​ລັບ ​ໃນ​ການເຄື່ອນ ໄຫວ​ປະຕິບັດ​ໜ້າ​ທີ່​ຂອງ​ກຳລັງ​ປ້ອງ​ກັນ​ຄວາມ​ສະຫງົບ​ ໃນການ​ປົກກະຕິ ​ແລະ ສຸກ​ເສີນ.

6. ຄຸ້ມ​ຄອງ ນຳ​ໃຊ້ ປົກ​ປັກ​ຮັກສາ​ພາຫະນະ ​ເອກະສານ​ດ້ານ​ສື່ສານ ​ແລະ ​ເກັບ​ກຳ​ການ​ຕິດ​ຕໍ່​ສື່ສານ​ຂອງ​ ກຳລັງ​ປ້ອງ​ກັນ ​ຄວາມສະຫງົບ ​ໃນ​ຂອບ​ເຂດ​ທົ່ວ​ປະ​ເທດ.

7.ຝຶກ​ອົບຮົມ ບຳລຸງ ຍົກ​ລະດັບ​ວິຊາ​ສະ​ເພາະ​ໃຫ້​ພະນັກງານ-​ນັກຮົບ​ມີ​ຄວາມ​ຊຳນິ​ຊຳນານ​ໃນ​ການ ​ເຄື່ອນ ​ໄຫວ​ ປະຕິບັດ​ໜ້າ​ທີ່​ວຽກ​ງານ​ຮັບ​ສົ່ງ-​ຂ່າວສານ​ໃຫ້​ມີ​ປະສິດທິ​ຜົນ.

8. ນຳ​ສະ​ເໜີ​ສ້າງ​ແຜນ​ງົບປະມານ ​ແລະ ຈັດ​ຕັ້ງ​ປະຕິບັດ​ງົບປະມານ ການ​ປົກ​ປັກ​ຮັກສາ​ຊັບ​ສິນ ພາຫະ​ນະ ​ວັດຖຸ​ອຸປະກອນ ​ຕ່າງໆ ຢູ່​ໃນ​ຄວາມ​ຮັບຜິດ​ຊອບ​ຂອງ​ຕົນ.

9. ພົວພັນ​ປະສານ​ສົມທົບ ກັບ​ບັນດາ​ພະ​ແນ​ກ ບັນດາ​ກົມ​ກອງ​ອ້ອມ​ຂ້າງ​ກະຊວງ ກອງ​ບັນ​ຊາ​ການ ປກສ ​ແຂວງ ນະຄອນ ບັນດາ​ກະຊວງ ອົງການ​ຈັດ​ຕັ້ງຢູ່​ສູນ​ກາງ ​ແລະ ທ້ອງຖິ່ນ.

10. ສະຫຼຸບ ​ສັງ​ລວມ ວຽກ​ງານ​ວິຊາ​ສະ​ເພາະ ​ເປັນ​ແຕ່ລະ​ໄລຍະ ​ເພື່ອ​ລາຍ​ງານ​ສ່ອງ​ແສ່​ງ​ໃຫ້​ກົມ ​ເປັນ​ ປົກກະຕິ.

11. ປະຕິບັດ​ໜ້າ​ທີ່​ອື່ນ ຕາມ​ການ​ມອບ​ໝາຍ​ຂອງ​ຂັ້ນ​ເທິງ ​ແລະ ກຳນົດ​ໄວ​ໃນ​ລະບຽບ​ກົດໝາຍ.

ມາດຕາ 4. ຂອບ​ເຂດ​ສິດ

      ພະ​ແນ​ກນຮັບ​ສົ່ງ-​ຂ່າວສານ ມີ​ຂອບ​ເຂດ​ສິດ ດັ່ງ​ນີ່:

1.ນຳ​ສະ​ເໜີ​ຄຳ​ເຫັນ> ລາຍ​ງານ​ຫາ​ບັນຫາ​ສຳຄັນ​ຕ່າງໆ ​ໃນ​ຂອບ​​ເຂດ​ຄວາມ​ຮັບຜິດຊ​ອບຂອງ​ຕົນ ຕໍ່​ກົມ​ ສື່ສານ​ ເພື່ອ​ຂໍ​ທິດ​ຊີ້​ນຳ ​ແລະ ພິຈາລະນາ​ຕົກລົງ.

2.ເຂົ້າຮ່ວມ​ກອງ​ປະຊຸມ, ຝຶກ​ອົບຮົມ ສຳ​ມະ​ນາ ​ເປັນ​ຄະນະ​ກະມະ​ການ​ກ່ຽວ​ກັບ​ວຽກ​ງານ​ວິຊາ​ສະ​ເພາະທີ່​ ກົມ​ສື່ສານ, ກະຊວງ​ປ້ອງ​ກັນ​ຄວາມ​ສະຫງົບ ຫຼື ຂະ​ແໜງການຈັດ​ຂື້ນ​ຕາມ​ການ​ມອບ​ໝາ​ຍ.

3.ນຳ​ສະ​ເໜີ​ສ້າງ​ຕັ່ງ ຫຼື ລົບ​ລ້າງ ບັນດາ​ກົງຈັກ​ການຈັດ​ຕັ້ງ​ໜ່ວຍ​ງານ ​ແຕ່ງ​ຕັ້ງ ຍົກຍ້າຍ ບັນຈຸຊັບ​ຊ້ອມ ​ໃຫ້​ແທດ​ແໝາະກັບ​ຄວາມ​ຮູ້​ຄວາມ​ສາມາດ ​ແລະ ຜົນ​ງານ​ຕົວຈິງ​ຂອງ​ພະນັກງານ-​ນັກຮົບ ທີ່​ຂື້ນ​ກັບ​ຄວາມ​ ຮັບຜິດຊອບ​ຂອງ​ຕົນ.

4.ຄຸ້ມ​ຄອງ ຊີ້​ນຳ ບັນຊາ ກວດກາ​ພະນັກງານ​-ນັກຮົບ ພາຍ​ໃນ​ພະ​ແນ​ກຂອງ​ຕົນ​ເພື່ອ​ຮັບປະກັນ​ເຮັດ​ສຳ​ເລັດ​ນ້າ​ທີ່ການ​ເມືອງ​ຕາມ​ການ​ມອບ​ໝາຍຢ່າງ​ມີ​ປະສິດ​ຕິ​ຜົນ​ສູງ.

5.ສະ​ເໜີ ປະກອບ​ດ ນຳ​ໃຊ້​ອາວຸດ ອຸປະກອນ ພາຫະນະ ​ແລະ ນຳ​ໃຊ້​ງົບປະມານ ​ເຂົ້າ​ໃນ​ວຽກ​ງານ​ຂອງ​ຕົນ.

6.ນຳ​ສະ​ເໜີ​ປະຕິບັດ​ນະ​ໂຍບາຍ​ດ້ວຍ​ຮູ​ບການ​ດ້ານ​ຕ່າງໆ ​ໃຫ້​ແທດ​​ແໝະກັບ​ຜົນງານ​ຕົວ​ຈິງ ​ແລະ ສຶກສາ​ ອົບຮົມ​-ກ່າວ​ເຕືອນ ສະ​ເໜີ​ວິ​ໃນ ຕໍ່​ພະນັກງານ-​ນັກຮົບ ພາຍ​ໃນ​ພະ​ແນ​ກຂອງ​ຕົນ​ຕາມ​ລະບຽບ​ກົດໝາຍ.

7.ປະສານ​ສົມທົບ​ກັບ​ບັນດາ​ພະ​ແນ​ກ ກົມ​ກອງ​ອ້ອມ​ຂ້າງ​ກະຊວງ ກອງ​ບັນຊາ​ການ ປກສ ​ແຂວງ ນະ​ຄອນ ​ແລະ ຂະ​ແໜງ​ການ​ພາກສ່ວນ​ອື່ນ​ທີ​ກ່ຽວຂ້ອງ​ຢູ່​ສູນ​ກາງ ​ແລະ ທ້ອງ​ຖິ່ນ​ຕາມ​ການ​ມ​ແບ​ໝາ​ຍຂອງ​ກົມ.

8.ປະຕິບັດ​ສິດ​ອື່ນ ຕາມ​ການ​ມອບ​ໝາຍ​ຂອງ​ຂັ້ນ​ເທິງ ​ແລະ ຕາມ​ທີ​ຄ່​ໄດ້​ກຳນົດ​ໄວ​ໃນ​ລະບຽບ​ກົດໝາຍ

ໝວດ​ທີ III

​ໂຄງ​ປະກອບການຈັດ​ຕັ້ງ ​ແລະ ບຸກຄະລາ​ກອນ

ມາດຕາ 5. ​ໂຄງ​ປະກອບ​ການຈັດ​ຕັ້ງ

     ພະ​ແນ​ກຮັບ​ສົ່ງ-​ຂ່າວສານ​ປະກອບ​ມີ ດັ່ງ​ນີ້:

1. ໜ່ວຍ​ງານ​ໂທລະ​ເລກ.
2. ໜ່ວຍ​ງານ​ໂຟນີ.
3. ໜ່ວຍ​ງານ​ໄປສະນີ.

ສຳ​ລັບ​ພາລະ​ບົດບາດ ໜ້າ​ທີ່ ​ແລະ ຂອບ​ເຂດ​ສິດ ການຈັ​ດຕັ້ງ​ຂອງ​ໜ່ວຍ​ງານ​ທີ່​ຂື້ນ​ກັບ​ພະ​ແນ​ກ ຈະ​​ໄດ້​ກຳນົດ​ ໄວ​ໃນ ​ລະບຽບ​ການສະ​ເພາະ.

ມາດຕາ 6. ​ໂຄງ​ປະກອບ​ບຸກຄະລາ​ກອນ

      ພະ​ແນ​ກຮັບ​ສົ່ງ-​ຂ່າວສານ ມີ​ໂຄງ​ປະ​ກອບບຸກຄະລາ​ກອນ ດັ່ງ​ນີ້:

1. ຫົວ​ນ້າ​ພະ​ແນ​ກມີ 1 ທ່ານ ຮອງ​ຫົວໜ້າ​ພະ​ແນ​ກຈຳນວນ​ໜຶ່ງ.

2. ບັນດາ​ໜ່ວຍ​ງານ ມີ​ຫົວ​ໜ້າ 1 ທ່ານ ຮອງກຫົວໜ້າ​ຈຳນວນ​ໜຶ່ງ​ ແລະ ປະກອບ​ພະນັກງານ ວິຊາ​ການ ຕາມ​ຄວາມ​ຮຽກຮ້ອງ​ຕ້ອງການ​ຂອງ​ວຽກ​ງານ​ແຕ່ລະ​ໄລຍະ. 

ມາດຕາ 7. ການ​ແຕ່ງຕັ້ງ ຍົກຍ້າຍ ​ແລະ ປົດ​ຕຳ​ແໜ່​ງປະຕິບັດ ດັ່ງນີ້:

1. ຫົວໜ້າ ​ແລະ ຮ​ອງພະ​ແນ​ກ ​ໄດ້​ຮັບ​ການ​ແຕ່ງ​ຕັ້ງ ຍົດ​ຍ້າຍ ​ແລະ ປົດ​ຕຳ​ແໜ່​ງ​ໂດຍ ​ຫົວ​ໜ້າ​ກົມໃຫຍ່​ ການ​ເມືອງ​ປ້ອງ​ກັນ​ຄວາມ​ສະຫງົບ ຕາມ​ການສະ​ເໜີ​ຂອງ​ຫົວ​ໜ້າ​ກົມ​ສື່ສານ ປ້ອງ​ກັນ​ຄວາມ​ສະຫງົບ.

2. ຫົວໜ້າ ​ແລະ ຮ​ອງຫົວໜ້າ​ໜ່ວຍ​ງານ ​ໄດ້​ຮັບ​ການ​ແຕ່ງ​ຕັ້ງ ຍົກຍ້າຍ ​ແລະ ປົດ​ຕຳ​ແໜ່​ງ​ໂດຍ ຫົວໜ້າ ​ກົມ​ສື່ສານ​ປ້ອງ​ກັນ ຄວາມ​ສະຫງົບ ຕາມ​ການສະ​ເໜີ​ຂອງ​ຫົວໜ້າ​ພະ​ແນ​ກ ​ແລະ ຕົກລົງ​ເຫັນ​ດີ​ຂອງ​ກົມ​ໃຫຍ່ ​ການ​ເມືອ​ງປ້ອງ​ກັນ ຄວາມ​ສະ ຫງົບ.

ມາດຕາ 8. ສິດ ໜ້າ​ທີ່ ຂອງ​ຫົວໜ້າ ​ແລະ ຮ​ອງ​ພະ​ແນ​ກ

      ຫົວໜ້າ ​ແລະ ຮ​ອງຫົວໜ້າ​ພະ​ແນ​ກຮັບສົ່ງ-​ຂ່າວສານ ມີ​ສິດ ​ແລະ ໜ້າ​ທີ່​ ດັ່ງ​ນີ້:

1. ຫົ​ວນ້າ​ພະ​ແນ​ກ ມີໜ້າ​ທີ່​ຮັບຜິ​ເຊ​ອບ​ໂດຍ​ກົງ​ຕໍ່​ກົມ​ສື່ສານ ປ້ອງ​ກັນ​ຄວາມ​ສະຫງົບ ​ໃນ​ການ​ຊີ້​ນຳ-ນຳພາ ບັນຊາ ຄຸ້ມ ຄອງ ຕິດຕາມ ກວດກາ​ການຈັດ​ຕັ້ງ​ປະຕິ​ບັດ​ຕາມ​ພາລະ​ບົບບາດ ໜ້າ​ທີ່ ແລະ ຂອບ​ເຂດສິດ​ ຂອງ​ຕົນ ມີ​ຄວາມ​ຮັບຜິດ ຊອບ​ຕໍ່​ຜົນສຳ​ເລັດ ຫຼື​ ຂໍ້​ຂາດ​ຕົກ​ບົກ​ຜ່ອງ​ຕໍ່​ຂັ້ນ​ເທິງ ແລະ ຜູ້ລົງ​ລາຍ​ເຊັນ​ໃນ​ເອກະ ສານທາງ​ການ​ໃນ​ນາມ​ພະ​ແນ​ກ.

< ກໍລະນີ​ຫົວໜ້າ​ພະ​ແນ​ກ ມີ​ວຽກ​ສຳຄັນ​ຈຳ​ເປັນ​ຕ້ອງ​ໄປ​ປະຕິບັດ​ໜ້າ​ທີ່​ທາງ​ໄກ ຫຼື ບໍ່​ສາມາດ​ປະຕິບັດ​ໜ້າ​ທີ່ ​ໄດ້​ຕ້ອງ​ ມອບ ​ສິດ​ໃຫ້​ຮອງ​ຫົສໜ້າ​ພະ​ແນ​ກຜູ້​ໃດ​ຜູ້​ໜຶ່ງ​ຮັກສາ​ການ​ແທນ​ຊົ່ວຄາວ.

2. ຮອງ​ຫົວໜ້າ​ພະ​ແນ​ກ ​ເປັນ​ຜູ້​ຊ່ວຍ​ພະ​ແນ​ກ ​ໃນ​ການ​ຊີ້​ນຳ ນຳພາ ບັນຊາ ຄຸ້ມ​ຄອງ ຕິດຕາມ ກວດກາ​ ການຈັດ​ຕັ້ງ​ ປະຕິບັດ​ພາລະ​ບົດບາດ ໜ້າ​ທີ່ ຂອບ​ເຂດ​ສິດ​ຂອງ​ພະ​ແນ​ກ ທັງ​ລົງ​ລຶກວ​ຊີ້​ນຳ ວຽກງານ​ໃດ​ໜຶ່ງ ຕາມ​ການ​ມອບ​ໝາຍ ​ຂອງ​ ຫົວໜ້າ​ພະ​ແນ​ກ ​ແລະ ຮັບຜິດຊອບ​ຕໍ່​ຜົນສຳ​ເລັດ ຫຼື ຂໍ້​ຂາດ​ຕົກ​ບົກ​ຜ່ອງ​ ຕໍ່​ ຫົວໜ້າ​ພະ​ແນ​ກ

ກິລາແລະກິດຈະກຳ
 

- ການແຂ່ງຂັນກິລາ ບານເຕະ ລະຫວ່າງ ພະແນກຄຸ້ມຄອງ ລະບົບ ຄອມພິວເຕີ ແລະ ວິທະຍາຄານ ເວີນຄຳ ຄັ້ງວັນທີ່ 25-10-2014

- ອ້າຍນ້ອງພະນັກງານ ກົມສື່ ສານ ອອກແຮງງານ ເພື່ອ ຮັບຕ້ອນ ວັນ ສຳຄັນຂອງຊາດ

 

 

 
ອອກແຮງງານ
 

- ອອກແຮງງານ ວັນເສົາແດງ   ທີ່ຄ້າຍສົມ ສະຫງ່າ ຂອງພະນັກ ງານ ກົມສື່ສານ.

- ແມ່ຍິງ - ຊາວໜຸ່ມ ປກສ ກົມ ສື່ສານ ແຂ່ງຂັນ ຕີໝາກ ບຸ່ນ ຄັ້ງວັນທີ່ 15-11-2014

 

 

 

 

 

 

 

 

ກົມສື່ສານ © ສະຫງວນລິຂະສິດ 2014,
ອອກແບບ/ພັດທະນາ ໂດຍ:​ ພະແນກຄຸ້ມຄອງລະບົບຄອມພິວເຕີ