3 ທາດແທ້ 4 ມູນເຊື້ອ ຂອງກຳລັງສື່ສານ ກະຊວງປ້ອງກັນຄວາມສະຫງົບ.
 

ການເຄື່ອນໄຫວວິຊາ ສະເພາະ

ວິຊາການ ເຕັກນິກ ກຳລັງ ປກສ ກົມສື່ສານ ກວດ ກາ ແລະ ຕິດ ຕັ້ງ ກ້ອງວົງຈອນ ປິດ ຢູ່ຕາມ ລຽບ ເສັ້ນພາຍໃນນະຄອນຫຼວງ ວຽງຈັນ.

ພົວພັນຕ່າງປະເທດ

ວຽກງານຝຶກອົບຮົມ

 ຍາມໃດບັນດາ ວິຊາການ ວິຊາ ສະເພາະ ມັນຮຽກຮ້ອງໃຫ້ຕ້ອງມີ ການຄົ້ນຄວ້າ ໃຫ້ຮູ້ເລິກເຖິງຖອງ ໃນ ວຽກງານຂອງຕົນໃຫ້ສົມກັບ ພັກ-ລັດ ໄດ້ມອບໝາຍໃຫ້.

 

» ພະແນກພາລາທິການ

ຂໍ້​ຕົກລົງ

ວ່າ​ດ້ວຍ​ການຈັດ​ຕັ້ງ ​ແລະ ການ​ເຄື່ອນ​ໄຫວ ຂອງ​ພະ​ແນ​ກພາລະ​ທິການ ກົມ​ສື່ສານ ປ້ອງ​ກັນ​ຄວາມ​ສະຫງົບ ຫົວໜ້າ​ກົມ​ໃຫຍ່ການ​ເມືອງ​ປ້ອງ​ກັນ​ຄວາມ​ສະຫງົບ ອອກ​ຂໍ້​ຕົກລົງ: ມາດຕາ 1. ທີ່​ຕັ້ງ      ພະ​ແນ​ກພະລາທິການ ກົມ​ສື່ສານ (ຂຽນ​ເປັນ​ຕົວ​ອັກສ​ອນຫຍໍ້ ພພລ ​ແລະ ​ເລກ​ລະ ຫັ​ດ 09) ແມ່ນການຈັດ​ຕັ້ງ ​ວິຊາ​ສະ​ເພາະ​ໜຶ່ງ ​ໃນ​ໂຄງ​ປະກອບ​ກົງຈັກ​ການຈັດ​ຕັ້ງ​ຂອງ​ກົມ​ສື່ສານ ມີ​ຖານະ​ທຽບ​ເທົ່າ ກັບ​ບັນດາ​ຫ້ອງ ພະ​ແນ​ກອອ້ມຂ້າງ​ທີ່​ຂື້ນ​ກັບ​ກົມ ​ໄດ້​ຮັບ​ການ​ສ້າງຕັ້ງ ຫຼື ລົບ​ລ້າງ ຕາມ​ພາລະ​ບົດບາດ ຂ​ອງກົ​ມສື່ສານ ປ້ອງ​ກັນ​ຄວາມ​ສະຫງົບ. ມາ​ດຕາ 2. ພາລະ​ບົ​ດບາດ       ພະ​ແນ​ກພະລາ​ທິການ ມີ​ພາລະ​ບົດບາດ​ເປັນ​ເສນາ​ທິການ​ໃຫ້​ກົມ​ສື່ສານ ກ່ຽວກັບ​ການ​ຄົ້ນຄວ້າ ວາງ​ແຜນການ ລະບຽບ​ລັກ​ການ ​ໃນ​ການ​ພັດທະນາ​ວຽກ​ງານ​ພາລາທິການ​ສື່ສານ​ຮອບ​ດ້ານ ສ້າງ​ແຜນ ງົບປະມານ ຄຸ້ມ​ຄອງ​ລາຍ​ຮັບ-​ລາຍ​ຈ່າຍ​ດ້ານ​ການ​ເງິນ, ອຸປະ​ໂພ​ກ-ບໍລິ​​ໂພ​ກ ກໍ່ສ້າງ-​ຊັບ​ສີນ ພາຫະນະ ຂົນ​ສົ່ງ ​ເຕັກ​ນິດ-​ຍຸດ​ໂທ ​ແລະ ການ​ພະ​ລິດ ​ເພື່ອ​ຮັບປະກັນ​ໃຫ້​ແກ່​ການ​ເຄື່ອນ​ໄຫວ​ ປະຕິບັດ​ໜ້າ​ທີ່​ຂອງ ກຳ​ລັງ​ສື່ສານ​ໃນ​ແຕ່ລະ​ໄລຍະ. ໝວດ​ທີ ໜ້າ​ທີ່ ​ແລະ ຂ​ອບ​ເຂດ​ສິດ

ມາດຕາ 3. ໜ້າ​ທີ່

1. ​ເຊື່ອມ​ຊຶມ​​ແນວທາງນະ​ໂຍບາຍ​ຂອງ​ພັກ<, ລະບຽບ​ກົດ​ໝາຍ​ຂອງ​ລັດ, ບັນດາ​ມະຕິ​ຄຳ​ສັ່ງ ຄຳ​ແນະ ນຳ​ຕ່າງ​ໆ​ ຂອງ​ກົມວາງ​ອອກ​ໃນ​ແຕ່ລ​ໄລຍະ ​ເພື່ອ​ຫັນ​ເປັນ​ແຜນການ ​ແຜນ​ງານ​ອັນ​ລະອຽດ ​ແລະ ຈັດ​ຕັ້ງ​ປະຕິບັດ​ໃຫ້​ປະກົດ​ຜົນ​ເປັນ​ຈິງ.

2. ສຶກສາ​ອົບຮົມ​ການ​ເມືອງ ນຳພາ​ແນວ​ຄິດ ​ໃຫ້​ພະນັກງານ-​ນັກຮົບ ມີ​ແນວ​ຄິດ​ຫຼັກ​ໜັ້ນອຸດົມ​ການ ສັງຄົມ​ນິຍົມ​ໜັກ​ ແໜ້ນ ມີ​ຄວາມ​ຈົງ​ຮັກ​ພັກດີ ມີ​ສະຕິ​ຕໍ່​ການຈັດ​ຕັ້ງ ມີ​ລະບຽບ​ວິ​ໃນ​ເຂັ້ມ​ງວດ ມີ​ຈັນ​ຍະ​ບັນ ຈັນ​ຍະ​ທຳ​ໃນການ​ປະຕິບັດ ​ໜ້າ​ທີ່ ມີ​ແບບ​ແຜນ​ດຳລົງ​ຊີວິດ​ປອດ​ໄພ​ຂາວ​ສະອາດ ​ແລະ ມີ​ຄວາມ​ສາມັກ​ຄີ​ເປັນ​ເອກະ​ພາບ.

< 3. ຄົ້ນຄວ້າ​ສ້າງ​ນິຕິ​ກຳ​ຕ່າງ​ໆ ຮັບ​ໃຊ​ໃນ​ຂົງ​ເຂດ​ວຽກ​ງານ​ຂອງ​ຕົນ ​ເພື່ອ​ນຳ​ສະ​ເໜີ​ຂັ້ນ​ເທິງ​ພິຈາ​ລະນາ.

4. ຊຸກຍູ້ ສົ່ງ​ເສີມ ນຳພາ ຄຸ້ມ​ຄອງ ກວດກາ ນຳ​ສະ​ເໜີ​ຂັ້ນ​ເທິງປັບປຸງ​ກຳລັງ​ໃຫ້​ເຂັ້ມ​ແຂງ​ດ້ານ ການຈັດ​ຕັ້ງ ໜັກ​ແໜ້ນ​ ທາງ​ດ້ານ​ການ​ມື​ອງ ​ແນວ​ຄິດ ມີ​ຄວາມ​ຊຳນິ​ຊຳນານ​ທາງ​ດ້ານ​ວິ​ຊາ​ສະ​ເພາະ ​ແລະ ​ແບບ​ແຜນ​ວິທີ​ເຮັດ​ວຽກ​ຢ່າງ​ມີ ວິທະຍາ ສາດ​ເທື່ອ​ລະ​ກ້າວ.

5. ຄົ້ນຄວ້າ​ສ້າງ​ແຜ​ນການ, ​ໂຄງການ​ຍຸດ​ທະ​ສາດ​ວຽກ​ງານ​ກໍ່ສ້າງ, ສ້ອມ​ແປງ​ອາຄານ​ຫ້ອງການ​ຢູ່ ສູນ​ກາງ ​ແລະ ທ້ອງ​ຖິ່ນ.

< 6. ຈັດ​ຕັ້ງ, ຄຸ້ມ​ຄອງ ຕິດຕາມ ກວດກາ ການ​ປະຕິບັດ​ງົບປະມານ​ວຽກ​ງານ​ການ​ເງິນ ອຸ​ປະ​ໂພ​ກ- ບໍລິ​ໂພ​ກ ກໍ່ສ້າງ-​ຊັບ​ສິນ ພາຫະນະ-​ຂົນ​ສົ່ງ ​ເຕັກນິກ​ດ-ຍຸດ​ໂທ ​ແລະ ການ​ຜະລິດ​ຂອງ​ບັນດາ ພະ​ແນ​ກທີ່​ຂື້ນ​ກັບ​ຄວາມ​ຮັບຜິດ​ຊອບ ​ຂອງ​ຕົນ​ໃຫ້​ຖຶກຕ້ອງຕາ​ມລະບຽບ​ຫຼັກກາ​ນ.

7. ຂື້ນ​ແຜນ​ງົບປະມານ​ແຕ່ລະ​ເດືອນ, ສ້າງ​ແຜນ​ງານ​ປະຈຳ​ປີ ​ເຊັ່ນ: ​ເງິນ​ບໍ່​ລິ​ຫານ​ຕ່າງໆ ​ເງິນ​ວິຊາ​ສະ​ເພາະ ວັດຖຸ​ອຸປະ​ກອນ ​ແລະ ຍານ​ພະ​ຫະນະ​ຈຳ​ເປັນ ​ເພື່ອ​ຮັບ​ໃຊ້​ໃນ​ວຽກ​ງານ​ວິຊາ​ສະ​ເພາະ ວັດຖຸ​ອຸປະກອນ ​ແລະ ຍານ​ພະ​ຫະນະ​ ທີ່​ຈຳ​ເປັນ ​ເພື່ອ​ຮັບ​ໃຊ້​ໃນ​ວຽກ​ງານ​ວິຊາ​ສະ​ເພາະ​ສູ້​ຮົບ ​ໃນ​ແຕ່ລະ​ໄລຍະ​ພຽງ​ພໍ່ຕາ​ມຄວາມ​ຕ້ອງການ.

8. ເບີກ​ຈ່າຍ​​ເງິນ​ເດືອນ, ​ເງິນ​ນະ​ໂຍບ​າຍ ​ເງິນ​ອຸດໜຸນ​ຕ່າງໆ​ໃຫ້​ພະນັກງານ-​ນັກຮົບ ຖືກຕ້ອງ​ຕາມ ຫຼັກການ​ທາງ​ດ້ານ​ວິຊາ ​ສະ​ເພາະ ​ແລະ ຕາມ​ລະບຽບ​ກົດໝາຍ.

9. ຝຶກ​ອົບຮົມ, ບຳລຸງ, ຍົກ​ລະດັບ​ວຽກ​ງານ​ພະລາທິການ​ໃຫ້​ພະນັກງານ​-ນັກ​ຮົບ​ ຢູ່​ສູນ​ກກາງ ​ແລະ ທ້ອງ​ຖິ່ນ​ຕາມ ​ສາຍ ​ຕັ້ງ​ວິຊາ​ສະ​ເພາະ.

10. ຄຸ້ມ​ຄອງ, ຕິດຕາມ ກວດກາ​ບັນດາ​ແຫຼ່ງລາຍ​ຮັບ-​ລາຍ​ຈ່າຍ​ຕ່າງໆ ຂອງ​ກົມ​ສື່ສານ​ ໃຫ້ຖືກຕ້ອງ ຕາມ​ລະບຽບ ​ຫຼັກ ການ.

11. ຄົ້ນຄວ້າ​ສ້າງ​ແຜນ​ງົບປະມານ, ຊອກ​ແລ່ງ​ລາຍ​ຮັບ ​ແລະ ຄຸ້ມ​ຄອງ, ກວດກາ​ການຈັດ​ຕັ້ງ​ປະຕິບັດ​ງົບປະມານ, ປົກ​ປັກ ​ຮັກສາ​ຊັບ​ສິນ, ພາຫະນະ​ວັດຖຸ​ອຸປະກອນ​ຕ່າງໆ, ອາວຸດ​ຍຸດ​ໂທ​ຢູ່​ໃນ​ຄວາມ​ຮັບ​ຜີ​ດຊອບ​ຂອງ​ຕົນ.

12. ພົວພັນ​ປະສານ​ສົມທົບ​ກັບ​ບັນ​ດາ​ຫ້ອງ<, ພະ​ແນ​ກ ບັນດາ​ກົມ​ກອງ​ອ້ອມ​ຂ້າງ​ກະຊວງ, ກອງ​ບັນຊາ​ການ ປກສ ​ແຂວງ, ນະຄອນ ບັນດາ​ກະຊວງ ອົງການ​ຈັດ​ຕັ້ງ​ຢູ່​ສູນ​ກາງ ​ແລະ ທ້ອງ​ຖິ່ນ.

13. ພົວພັນ ຮ່ວມ​ມື້, ​ແລະ​ປ່ຽງ​ບົດ​ຮຽນກັບ​ຕ່າງປະ​ເທດ ຕາມ​ການ​ຕົກລົງ​ເຫັນ​ດີ​ຂອງ​ກົມ ​ແລະ ລັດຖະມົນຕີ​ວ່າການ​ ກະຊວງ​ປ້ອງ​ກັນ​ຄວາມ​ສະຫງົບ.

14. ປະຕິ​ບັດ​ນ້າ​ທີ່​ອື່ນ ຕາມ​ການ​ມ​ອບໝາຍ​ຂອງ​ຂັ້ນ​ເທິງ ​ແລະ ການ​ກຳນົດ​ໄວ້​ໃນ​ລະບຽບ​ກົດໝາຍ.

ມາດຕາ 4. ຂອບ​​ເຂດ​ສິດ

      ພະ​ແນ​ກພະລາທິການ ມີ​ຂອບ​ເຂດ​ສິດ ດັ່ງ​ນີ້:

1. ນຳ​ສະ​ເໜີ​ມີ​ຄຳ​ເຫັນ ລາຍ​ງານ​ບັນຫາ​ສຳ​ຄົນ​ຕ່າງໆ ​ໃນ​ຂອບ​ເຂດ​ຄວາມ​ຮັບຜິດ​ຊອບ​ຂອງ​ຕົນ​ຕໍ່​ກົມ ສື່ສານ ​ເພື່ອ​ຂໍ​ທິດ ​ຊີ້​ນຳ ​ແລະ ພິຈາລະນາ​ຕົກລົງ.

2. ເຂົ້າ​ຮ່ວມ​ປະ​ຊຸມ, ຝຶກ​ອົບຮົມ, ສຳ​ມະ​ນາ ກ່ຽວ​ກັບ​ວຽກ​ງານ​ພະລາທິການ ທີ່​ກົມ​ສື່ສານ ກະຊວງ ປ້ອງ​ກັນ​ຄວາມ ​ສະຫງົບ ຫຼື ຂະ​ແໜ່ງການຈັດຂື້ນ ຕາມ​ການ​ມອບ​ໝາຍ.

3. ຄົ້ນ​ຄວ້າ​ສ້າງ​ລະບຽບ​ການ​ຕ້າງໆ ທີ່​ພົວພັນ​ເຖິງ​ວຽກ​ງານ​ໃນ​ຄວາມ​ຮັບຜິດຊອບ​ຂອງ​ຕົນ ບົນ​ພື້ນ ຖານ​ຖືກ​ຕ້ອງຕາ​ມ ລະບຽບ​ກົດໝາຍ.

4. ນຳ​ສະ​ເໜີ​ສ້າງ​ຕັ້ງ ຫຼື ລົບ​ລ້າງ​ບັນດາ​ກົງຈັກ​ການຈັດ​ຕັ້ງ​ໜ່ວຍ​ງານ, ​ແຕ່ງ​ຕັ້ງ​ ຍົກ​ຍ້າຍ ບັນຈຸ​ຊັບ ຊ້ອນ ​ໃຫ້​ແທດ​ເໝາະ​ ກັບ​ຄວາມ​ຮູ້ຄວາມ​ສາມາດ ​ແລະ ຜົນງານ​ຕົວ​ຈິງ​ຂອງ​ພະນັກງານ-​ນັກ​ຮົບ ທີ່​ຂື້ນ​ກັບ​ຄວາມ​ຮັບ​ຜິດ​ຊອບ​ຂອງ​ຕົນ.

5. ນຳ​ສະ​ເໜີ​ປະກອບ ​ແລະ ນຳ​ໃຊ້​ອາວຸດ​ຍຸດ​ໂທ​ປະກອນ, ອຸປະກກອນ​, ພາຫະນະ​ເຕັກ​ນິກ ​ແລະ ນຳ​ໃຊ້​ງົບປະມານ​ເຂົ້າ​ ໃນ​ວຽກ​ຂ​ອງຕົນ.

6. ນຳ​ສະ​ເໜີ​ປະຕິບັດ​ນະ​ໂຍບາຍ​ດ້ວຍ​ຮູບ​ການ​ດ້ານ​ຕ່າ​ງໆ ​ໃຫ້​​ແທດ​ເໝາະ​ກັບ​ຜົນງານ​ຕົວ​ຈິງ ​ແລະ ສຶກສາ​ອົບຮົມ-​ກ່າວ ​ເຕືອນ, ສະ​ເໜີ​ວິ​ໄນ ຕໍ່​ພະນັກງານ​ນັກ​ຮົບ ພາຍ​ໃນ​ພະ​ແນ​ກຂອງ​ຕົນ ຕາມ​ລະບຽບ​ກົດໝາຍ.

7. ປະສານ​ສົມທົບ​ກັບ​ບັນດາ​ຫ້ອງ, ພະ​ແນ​ກ, ກົມ​ກອງ​ອ້ອມ​ຂ້າງ​ກະຊວງ​, ກອງ​ບັນ​ຊາ​ການ ປກສ ແຂວງ ນະຄອນ ​ແລະ ຂະ​ແໜງ​ການ​ພາກສ່ວນ​ອື່ນ​ທີ່​ກ່ຽວຂ້ອງ​ຢູ່​ສູນ​ກາງ ​ແລະ ທ້ອງ​ຖິ່ນ ຕາມ​ການ​ມອບ​ໝາຍ​ຂອງ​ກົມ.

8. ປະຕິ​ບັດ​ສິດ​ອື່ນ​ ຕາມ​ການ​ມອບ​ໝາຍ​ຂອງ​ຂັ້ນ​ເທິງ ​ແລະ ຕາມ​ທີ່​ໄດ້​ກຳ​ນົດ​ໄວ້​ໃນ​ລະບຽບ​ກົດໝາຍ.

ໝວດ​ທີ III

​ໂຄງ​ປະ​ກອບ​ການຈັດ​ຕັ້ງ ​ແລະ ບຸກຄະລາ​ກອນ

ມາດຕາ 5. ​ໂຄງ​ປະ​ກອບ​ການຈັດ​ຕັ້ງ

      ພະ​ແນ​ກພະລາທິະການ ມີ​ໂຄງ​ປະ​ກອບ​ການຈັດ​ຕັ້ງ​ ດັ້ງນີ້:

1. ໜ່ວຍ​ງານ​ແຜນການ-​ການ​ເງິນ.
ໜ່ວຍ​ງານ​ອຸປະ​ໂພ​ກ-ບໍລິ​ໂພ​ກ.
ໜ່ວຍ​ງານ​ລົດ
, ນ້ຳ​ມັບ ​ແລະ ຍຸດ​ໂທ.
4.ໜ່ວຍ​ງານ​ກໍ່ສ້າງ-​ສ້ອມ​ແປງ ຊັບ​ສິນ-​ທີ່​ດີ​ນ ​ແລະ ການ​ຜະລິດ.

      ສຳລັບ​ພາລະ​ບົ​ດບາດ ໜ້າ​ທີ່ ​ແລະ ຂອບ​ເຂດ​ສິດ ການຈັດ​ຕັ້ງ​ຂອງ​ໜ່ວຍ​ງານ​ທີ່​ຂື້ນ​ກັບ​ພະ​ແນ​ກ ຈະ​ໄດ້​ກຳນົດ​ໄວ້​ໃນ​ ລະບຽບ​ການ​ສະ​ເພາະ.

ມາດຕາ 6. ​ໂຄງ​ປະກອບ​ບຸກຄະລາ​ກອນ

      ພະ​ແນ​ກພະລາທິການ ມີ​ໂຄງ​ປະກອບບຸກຄະລາ​ກອນ​ ດັ່ງ​ນີ້:

1. ຫົວໜ້າ​ຫ້ອງການ 1 ທ່ານ, ຮອງ​ຫົວໜ້າ​ພະ​ແນ​ກຈຳນວນ​ໜຶ່ງ.
2. ບັນດາ​ໜ່ວຍງານ​ມີຫົວໜ້າ 1 ທ່ານ, ຮອງ​ຫົວໜ້າ​ຈຳນວນ​ໜຶ່ງ ​ແລະ ປະກອບ​ພະນັກງານ​ວິຊາ​ການ​ຕາມ​ຄວາມ ​ຮຽກ ຮ້ອງ​ຕ້ອງການ​ຂອງ​ວຽກ​ງານ​ໃນ​ແຕ່ລະ​ໄລຍະ.

ມາດຕາ 7. ການ​ແຕ່ງ​ຕັ້ງ ຍົກຍ້າຍ ​ແລະ ປົດ​ຕຳ​ແໜ່ງ

      ການ​ແຕ່ງ​ຕັ້ງ​ຍົກຍ້າຍ ​ແລະ ປົດ​ຕຳ​ແໜ່ງປະຕິບັດ ດັ່ງ​ນີ້:

1. ຫົວໜ້າ ​ແລະ ຮອງ​ຫົວໜ້າ​ພະ​ແນ​ກ ​ໄດ້​ຮັບ​ການ​ແຕ່ງ​ຕັ້ງ ຍົກຍ້າຍ ​ແລະ ປົດ​ຕຳ​ແໜ່​ງ​ໂດຍ​ຫົວ ໜ້າກົມ​ໃຫຍ່​ ການ ​ເມືອງ ປ້ອງ​ກັນ​ຄວາມ​ສະຫງົບ ຕາ​ມການສະ​ເໜີ​ຂອງ​ຫົວໜ້າ​ກົມ​ສື່​ສານ.
2. ຫົວໜ້າ ​ແລະ ຮອງ​ຫົວໜ້າ​ໜ່ວຍ​ງານ ​ໄດ້​ຮັບ​ການ​ແຕ່ງ​ຕັ້ງ, ຍົກ​ຍ້າຍ ​ແລະ ປົດ​ຕຳ​ແໜ່​ງ​ໂດຍ ຫົວໜ້າ​ກົມ​ສື່ສານ ​ຕາມ ​ການສະ​ເໜີ​ຂອງຫົວໜ້າ​ພະ​ແນ​ກ ​ແລ​ະ ການ​ຕົກລົງ​ເຫັນ​ດີ​ຂອງ​ກົມ​ໃຫຍ່ ການ​ເມືອງ ປ້ອງ​ກັນ​ຄວາມ​ສະຫງົບ.

ມາດ​ຕາ 8. ສິດ ໜ້າ​ທີ່ ຂອງ​ຫົວໜ້າ ​ແລະ ຮ​ແງ​ຫົວໜ້າ​ພະ​ແນ​ກ

     ຫົວໜ້າ ​ແລະ ຮອງ​ຫົວໜ້າ​ພະ​ແນ​ກພະລາທິການ ມີ​ສິດ ​ແລະ ໜ້າ​ທີ່​ດັ່ງ​ນີ້:

1. ຫົວໜ້າ​ພະ​ແນ​ກມີ​ໜ້າ​ທີ່​ຮັບຜິດຊອບ​ໂດ​ຍກົງ​ຕໍ່​ກົມ​ສື່ສານ ​ໃນ​ກນ​ຊີ້ນຳ-ນຳ​ພາ ບັນຊາ ຄຸ້ມ​ຄອງ ຕິດ​ຕາມ ກວດກາ​ ການຈັດ​ຕັ້ງ​ປະຕິບັດ ພາລະ​ບົດ​ບາດ ໜ້າ​ທີ່ ​ແລະ ຂອລ​ເຂດ​ສິດ​ຂ​ອງຕົນ ມີ ຄວາມ​ຮັບຜິດຊອບ​ຕໍ່​ຜົນ​ສຳ​ເລັດ ຫຼື ຂໍ້​ຂາດ ​ຕົກ​ບົກ​ຜ່ອງ​ຕໍ່​ຂັ້ນ​ເທິງ ​ແລະ ​ເປັນ​ຜູ້​ລົງ​ລາຍ​ເຊັນ​ໃນ​ເອກະສານ​ທາງ​ການ​ໃນ​ນາມ​ພະ​ແນ​ກ.

   ກໍ່​ລະ​ນີຫົວໜ້າ​ພະ​ແນ​ກມີ​ວຽກ​ສຳ​ຄັນ​ຈຳ​ເປັນ​ໄປ​ປະຕິບັດ​ໜ້າ​ທີ່​ທາງ​​ໄກ ຫຼື ບໍ່​ສາມາດ​ປະຕິບັດ​ໜ້າ​ທີ່ ໄດ້ຕ້ອງ ​ມອບ​ສິດ​ ໃຫ້​ຮອງ​ຫົວໜ້າ​ພະ​ແນ​ດຜູ້​ໃດ​ໜຶ່ງ​ຮັກ​ສາ​ການ​ແທນ​ຊົ່ວ​ຄາວ.

2. ຮອງ​ຫົວ​ໜ້າ​ພະ​ແນ​ກ ​ເປັນ​ຜູ້​ຊວຍ​ຫົວໜ້າ​ພະ​ແນ​ກ ​ໃນ​ການ​ຊີ້​ນຳ ນຳພາ ບັນຊາ ຄຸ້ມ​ຄອງ ຕິດຕາມ ກວດກາ​ ການຈັດ​ຕັ​ເງປະຕິບັດ ຕາມ​ພາລະ​ບົດບາດ ໜ້າ​ທີ່ ຂອບ​​ເຂ​ດສິດ ຂອງ​ພະ​ ແນກ ທັງ​ລົງ​ເລິກຊີ້​ນຳ​ວຽກ​ງານ​ໃດ​ໜຶ່ງ ຕາມ​ການ ​ມ​ອບໝາຍ​ຂອງ​ຫົວໜ້າ​ພະ​ແນ​ກ ​ໃຫ້​ມີ​ຄວາມ​ຮັບ ຜິດຊອບ​ຕໍ່​ຜົນສຳ​ເລັດ ຫຼື ຂໍ້​ຂາດ​ຕົກ​ບົກ​ຜ່ອງ​ຕໍ່​ຫົວໜ້າ​ພະ​ແນ​ກ.

ກິລາແລະກິດຈະກຳ
 

- ການແຂ່ງຂັນກິລາ ບານເຕະ ລະຫວ່າງ ພະແນກຄຸ້ມຄອງ ລະບົບ ຄອມພິວເຕີ ແລະ ວິທະຍາຄານ ເວີນຄຳ ຄັ້ງວັນທີ່ 25-10-2014

- ອ້າຍນ້ອງພະນັກງານ ກົມສື່ ສານ ອອກແຮງງານ ເພື່ອ ຮັບຕ້ອນ ວັນ ສຳຄັນຂອງຊາດ

 

 

 
ອອກແຮງງານ
 

- ອອກແຮງງານ ວັນເສົາແດງ   ທີ່ຄ້າຍສົມ ສະຫງ່າ ຂອງພະນັກ ງານ ກົມສື່ສານ.

- ແມ່ຍິງ - ຊາວໜຸ່ມ ປກສ ກົມ ສື່ສານ ແຂ່ງຂັນ ຕີໝາກ ບຸ່ນ ຄັ້ງວັນທີ່ 15-11-2014

 

 

 

 

 

 

 

 

ກົມສື່ສານ © ສະຫງວນລິຂະສິດ 2014,
ອອກແບບ/ພັດທະນາ ໂດຍ:​ ພະແນກຄຸ້ມຄອງລະບົບຄອມພິວເຕີ